أزدون : ماشي اغنية عمور اللي اقصت المنتخب.. ولكن حنا كنضيعو المواهب الحقيقية اللي كتغادر اللعبة بسبب باك صاحبي

Canal13.ma/سهيلة البخاري

عمد الإعلامي و الصحفي بقناة الأولى خالد ازدون الى صفحته الرسمية بموقع "فيسبوك" ليعلق عن الجدل الذي صاحب الفنان حاتم عمور في الآونة الأخيرة بسبب اغنيته للمنتخب المغربي في إقصائيات كأس العرب.

وكتب ازدون تدوينة مطولة جاءت كالتالي "حتى لا نحيد عن الصواب  …باش نكونو واضحين ماشي اغنية حاتم عمور اللي اقصت المنتخب ، السيد خدمتو هاديك وكيجتاهد مع اي ظرف كان ، لذلك باش منبعدوش على النقاش الحقيقي و نوضعو الاصبع على المشكل فين كاين ."

وتابع أزدون "كرة القدم عندنا صعيب تجيب النتائج على مستوى المنتخب عرفتو علاش ؟ حيث باقيين كنضيعو المواهب الحقيقية اللي كل نهار كتغادر اللعبة بسبب باك صاحبي ، حيث باقيين المسيرين كيجيو للكرة باش يديرو سمية ويطلعو الارصدة ديالهم ، حيث باقي  عندنا العقلية ان المنتخب في ملكية القلة اللي كتسير والباقي عليه التشجيع فقط ، حيث باقي حرب الكواليس بين المدربين وحفر عليا نحفر عليك ، وحيث باقي عندنا اللي  كيهمهم شحال غادي ياخد فالشهر ماشي شنو غادي يعطي "

وأضاف الصحفي " حيث باقي عندنا نجارة الصحافة اللي دارت المهنة تسمسيرة ووكالة للايجار لمن يدفع اكثر ، و حيث باقي كنبعدو الاعلاميين الحقيقيين على الواجهة لانهم كيقولو الحقيقية ،حيث  باقي بعض المدربين كيحركو معاهم نفس لائحة اللاعبين فين ما مشاو ، وحيث باقي الوكلاء يحكموا فالاختيارات وكيرسمو طريق لاشباه اللاعبين ، واللاعبين الحقيقين كيضيعو"

وخلص أزدون التدوينة "كرة القدم عندنا اصبحت وسيلة للاسترزاق في حين انها اصبحت صناعة قائمة بذاتها تحرك اقتصادات دول كبرى" .

Canal13