سميرة داودي: ''فين هاد الهاكا المسؤولة على تقنين ومراقبة مايذاع فالقنوات العمومية''

canal13  بالعربي تحدثت الفنانة المغربية سميرة داودي في تدوينة نشرتها عبر صفحتها الرسمية '' انستغرام''، بغضب عارم عن البرنامج الذي يقدمه الكوميدي ''إيكو'' الذي يبث عبر القناة الثانية بعنوان'' l'ecole des fans''. وقالت داودي في تدوينتها،'' القناة الثانية العمومية المغربية '' دوزيم'' بقات قبل أربعة أيام برنامج ترفيهي جديد كعادتها، اختارت لو من الاسامي اسم '' l'ecole des fans''، وجابت ليه الفكاهي خريج اليوتيوب عبدالرحمن اوعابد المعروف باسم''ايكو''. وأضافت الفنانة في تدوينتها، '' هاد البرنامج حسب تعريف القناة الثانية هو برنامج أطفال موجه للأطفال المغاربة اللي غايشاهدوه فالبيت ديالهوم ووسط عائلتهم''. وتابعت المتحدث قائلة: '' لكن اللي شاهد الحلقة الأولى غايتصدم باللغة والخطاب اللي استعملو خريج اليوتيوب '' إيكو'' مع أحد الأطفال اللي شاركو فالبرنامج واللي ماكيتجاوزش السن ديالو أربع سنوات، كيف يعقل لشخص ماعنو تا تكوين دراسي أو أكاديمي ولا حتى التكوين فالتنشيط الثقافي للأطفال سوى انه كان كيدير التهريج فاليوتيوب'' وجابتو دوزيم يدير نفس التهريج فقناة عمومية ميزانيتها من أموال واقتطاعات المواطنين المغاربة دافعي الضرائب''. وتساءلت الداودي، '' كيفاش سمح لنفسو هاد المهرج المنشط انه يسول طفل صغير عندو ربع سنين واش مصاحب مع بنت قسمو؟ واش عندو علاقة عاطفية معاها؟ واش كيبغيها نمشيو نخطب ها ليه؟ وإلى تزوج بيها وتخاصم واش غيختارها هي ولاماماه؟ والولد مسكين كيسمع كمية من الأسئلة التي لا تتناسب مع برائتو ولاطفولتو ومعرفش باش يجاوب والأخر من هذا كيفاش والديه قبلوا أنهم يحطو ولدهم فهاد الموقف ويسمع كلام كبر من عمرو ولا علاقة له فها السن الصغير، ثم فين هي هاد الهاكة المسؤولة على تقنين ومراقبة مايذاع فالقنوات العمومية، كيفاش خلات هاد القناة تهدم ماتبقى من مفهوم الأسرة المغربية من خلال الضرب فالمنظومة الاخلاقية ديالها واحد الركائز ديالها اللي هوما الأطفال؟''، واش الأساتذة مشكورين كيديرو مجهود كبير يربيو وليداتنا فالمدرسة، وهاد القناة كتهدم فالتلفزة؟ واش كلشي دابا كيفك فشحال غادي يدخل ديال الفلوس من نسبة المشاهدات وجلب الاشعارات ولو على حساب العائلة والأسرة المغربية''. وختمت الفنانة المغربية سميرة داودي تدوينتها قائلة:'' هاد البرنامج هو تقليد لبرنامج فرنسي بالحرف، لكن سير شوف واش كيتقال فيه للأطفال بحال هاد الكوارث اللي قالهم هاد المهرج خريج أكاديمية اليوتيوب، لامستوى دراسي لاتكون اكاديمي، حتى فالتقليد فاشلين، وهاد القناة خاصها شي حل باش تحسن من شر التفاهة والتكليخ والتراويح للتفاهات والتافهين''. canal13